تاجیکستان ۲۰ هزار نیرو در مرز با افغانستان مستقر می‌کند

رئیس‌جمهوری تاجیکستان به وزیر دفاع این کشور دستور داده ۲۰ هزار نیروی نظامی را به منظور تقویت مرزهای کشورش با افغانستان به مرزها بفرستد.

 امام علی رحمان، رئیس‌جمهوری تاجیکستان به شیر علی میرزا، وزیر دفاع دستور داده است، در راستای فرار سربازان افغان به سمت مرزهای این کشور و پیشروی طالبان در شمال افغانستان این تعداد نیرو در مرزها مستقر شوند.

پیشتر یک مقام در فرماندهی کمیته دولتی امنیت ملی تاجیکستان گفته بود، طالبان در حال حاضر بر بیش از ۷۰ درصد از خط مرزهای بین‌المللی بین دو کشور تسلط یافته است.

یک منبع در دفتر اطلاع‌رسانی ریاست‌جمهوری تاجیکستان به نووستی گفت، رئیس‌جمهوری در جریان نشست شورای امنیت ملی به منظور بررسی تامین امنیت مناطق مرزی دستور داد ۲۰ هزار سرباز در مناطق هم‌مرز با افغانستان مستقر شوند.

این مسؤول افزود: رئیس‌جمهوری همچنین دستور داده در چارچوب مقابله با جرایم مرزی، اقدامات تروریستی و افراط‌گرایانه و قاچاق مواد مخدر از هرگونه نقض مرزهای ملی ممانعت به عمل آید.

حمدالله محب مشاور امنیت ملی اشرف غنی، رئیس‌جمهوری افغانستان نیز تاکید کرده است: نیروهای دولتی افغان درصدد انجام ضد حمله به مناطق شمالی هستند که به تصرف طالبان درآمده‌اند.

برچسب ها : خروج نیروهای خارجی از افغانستان تاجيكستان افغانستان